India vs Afghanistan 3rd T20 Abhishek Sharma ne 30 ball mein thoki century Afghanistan ka poora dhaga khol diya India ne 3-0 kiya clean sweep

India aur Afghanistan ke beech 3 match ki T20 series ka teesra muqabla khatam ho gaya hai lekin is match ki sabse badi kahani India ki 127 run ki jeet se bhi zyada Abhishek Sharma ki woh dhamakedar batting hai jise dekhkar Afghanistan ke bowlers ke paas shayad koi jawab hi nahi bacha. Match se pehle Abhishek Sharma ko rest diye jaane ki baat chal rahi thi aur unki jagah young Vaibhav Suryavanshi ko playing 11 mein mauka mil sakta hai aisi charcha bhi ho raha tha Lekin jab team saamne aaya to Abhishek Sharma ko hi continue kiya gaya Aur bhai phir jo hua woh seedha record books mein chala gaya

Abhishek Sharma ko rest milne ki thi baat, lekin playing 11 mein phir kiya gaya continue

Teesre T20 se pehle sabse zyada baat Abhishek Sharma ko lekar hi ho rahi thi. Series ka teesra match tha aur discussion ye thi ki Abhishek ko thoda rest diya ja sakta hai, jisse young Vaibhav Suryavanshi ko playing 11 mein apna talent dikhane ka mauka mil sake. Fans bhi ye dekhna chahte the ki Vaibhav ko T20 series mein kab entry milta hai

Lekin playing 11 saamne aaya to Abhishek Sharma ka naam phir se team mein tha Yani rest wali baat sirf discussion tak hi rahi aur Abhishek ne Afghanistan ke khilaf teesre T20 mein bhi opening ki zimmedari sambhali

Ab shayad team management ko bhi andaza nahi raha hoga ki is decision ke baad Abhishek kis level ki innings khelne wale hain

30 ball mein century Abhishek Sharma ne bana diya bada record

Abhishek Sharma ne crease par aate hi Afghanistan ke bowlers ko attack karna shuru kar diya. Shuruaat se hi unke bat se boundary nikal rahi thi aur dheere-dheere ye innings ek normal T20 knock se badhkar record wali innings ban gayi

Abhishek ne sirf 30 balls mein apni T20 century poori kar di. Ye dekhna hi apne aap mein kamaal tha. Unhone India ke liye T20 mein fastest century ka record apne naam kar liya Isse pehle Rohit Sharma ne 35 balls mein century banayi thi, lekin Abhishek ne is record ko paanch balls se peeche chhod diya

Aur bhai, asli maza to ye tha ki century ke baad bhi Abhishek rukne wale nahi the

Unki poori innings 34 balls mein 108 runs ki rahi. Is dauran unhone 9 fours aur 11 sixes uda diye. Strike rate raha 317.65. Yani Afghanistan ke bowlers ke paas Abhishek ko rokne ke liye na fielding placement kaam kar rahi thi aur na hi bowling plan

108 run ki aandhi, Afghanistan ke bowlers ka khul gaya poora dhaga

Abhishek ki batting ko dekhkar ek waqt par aisa lag raha tha ki har over mein kuch na kuch bada hone wala hai. Kabhi ball cover ke upar se nikal rahi thi, kabhi square ke paar aur kabhi seedha stands mein pahunch rahi thi

11 sixes aur 9 fours ke saath 108 runs ki ye innings sirf scorecard ka ek number nahi thi. Abhishek ne Afghanistan par shuruaat se pressure banaya aur unhe comeback ka koi mauka nahi diya

Sabse khaas baat ye rahi ki unhone sirf 30 balls mein century complete kar di aur uske baad bhi apna attacking game nahi chhoda. 34 balls tak crease par rahe aur 108 run banakar wapas aaye

Jis player ko match se pehle rest milne ki baat ho rahi thi, wahi player match ke baad poore match ka sabse bada hero bana hua tha

Sanju Samson ne bhi diya Abhishek ka zabardast saath

Abhishek Sharma ki toofan wali batting ke saath Sanju Samson ne bhi India ko achhi shuruaat dene mein madad ki. Sanju ne 35 balls mein 50 runs banaye, jisme 2 fours aur 4 sixes aaye

Abhishek aur Sanju ki batting ne India ko shuruaat mein hi strong position mein pahucha diya. Abhishek ke out hone ke baad bhi India ka run flow poori tarah nahi ruka

Shreyas Iyer ne 20 balls mein 29 runs banaye, jabki Shivam Dube ne 10 balls mein 14 runs ka contribution diya. In sabhi contributions ki wajah se India ne 20 overs mein 221/7 ka bada score khada kar diya

India ke bowlers ne bhi Afghanistan ko 100 ke andar samet diya

Ab Afghanistan ke saamne 222 runs ka target tha. Itne bade score ka pressure waise hi tha, lekin India ke bowlers ne unhe settle hone ka mauka bhi nahi diya

Afghanistan ki poori team 14.1 overs mein 94 runs par all out ho gayi. Yani India ne match ko batting ke baad bowling mein bhi ekdum apne control mein rakha

India ki taraf se Nitish Kumar Reddy ne 3 wickets liye, jabki Ravi Bishnoi ne bhi 3 wickets apne naam kiye. Axar Patel ne bhi shandaar bowling karte hue 3 overs mein sirf 9 runs dekar 2 wickets nikale

Yash Thakur ko bhi ek wicket mila aur Afghanistan ki batting line-up 100 ke aankde tak pahunchne se pehle hi khatam ho gayi

Axar Patel ne bhi continue hokar bowling mein dikhaya dum

Is match mein Axar Patel ko lekar bhi ek important baat rahi. Abhishek ki tarah Axar ko bhi playing XI mein continue kiya gaya aur unhone bowling se apna impact dikhaya

Axar ne 3 overs daale aur sirf 9 runs diye. Iske saath unhone 2 wickets bhi liye. Batting mein unke naam 5 runs rahe, lekin bowling mein unka spell India ke liye kaafi useful raha

Yani India ke senior all-rounder ne bhi teesre T20 mein apna kaam poori tarah se kar diya

Playing 11 mein hua sirf ek bada change

India ki playing 11 ko dekha jaye to teesre T20 mein major change sirf ek tha Arshdeep Singh  ki jagah Yash Thakur ko playing 11 mein shamil kiya gaya

Baaki team ko continue kiya gaya Iska matlab Abhishek Sharma ko bhi wahi mauka mila jiska result baad mein sabke saamne tha

Vaibhav Suryavanshi ko lekar jo discussion match se pehle chal raha tha woh teesre T20 mein playing 11 tak nahi pahunchi Lekin Abhishek Sharma ne 30 balls mein century thokkar is poori discussion ko hi peeche chhod diya

India ne 127 run se jeetkar series 3-0 se ki clean sweep

India ki batting aur bowling dono ke saamne Afghanistan ki team poore match mein pressure mein nazar aayi

India ne pehle batting karte hue 221/7 ka score banaya Jawab mein Afghanistan ki team 94 runs par all out ho gayi

India ne ye match 127 runs se jeet liya aur isi ke saath 3 match ki T20 series ko 3-0 se clean sweep kar diya

Series ka teesra match India ke liye ek aur badi jeet lekar aaya, lekin fans ke dimaag mein sabse zyada Abhishek Sharma ki 30-ball century hi rehne wali hai

Player of the Match aur Player of the Series bhi Abhishek Sharma

Abhishek Sharma ko unki 108 run ki dhamakedar innings ke liye Player of the Match chuna gaya. Lekin baat sirf ek match tak nahi ruki

Poore series mein unke performance ko dekhte hue Abhishek ko Player of the Series ka award bhi mila

Ek taraf 3-0 se India ki clean sweep, doosri taraf Abhishek Sharma ka 30-ball century ka record. Teesre T20 ke baad Indian cricket fans ke paas celebrate karne ke liye waise bhi bahut kuch tha

Jise rest dene ki baat thi usi ne Afghanistan ka poora dhaga khol diya

Cricket mein kabhi-kabhi match se pehle jo socha ja raha hota hai, match ke baad kahani usse bilkul alag ho jaati hai. Abhishek Sharma ke saath bhi teesre T20 mein kuch aisa hi hua

Rest ki baat chal rahi thi Vaibhav Suryavanshi ko chance milne ki discussion thi. Lekin Abhishek ko continue kiya gaya aur phir unhone Afghanistan ke khilaf aisi batting ki ki record hi tod diya

30 balls mein century, phir 34 balls mein 108 runs 9 fours aur 11 sixes. India ke liye fastest T20 century ka record bhi apne naam kar liya

Bhai, jis player ko rest dene ki baat ho rahi thi, usi ne aakar Afghanistan ke bowlers ka aisa dhaga khola ki poora match Abhishek Sharma ke naam ho gaya. Ye sirf ek century nahi thi, ye ek aisi innings thi jise fans kaafi samay tak yaad rakhenge 

Cricket Fans ke liye message

Aapne Abhishek Sharma ki ye 30-ball century live dekhi ya nahi Aur aapko kya lagta hai, kya teesre T20 mein Abhishek ko continue karna team ka sabse bada decision sabit hua? Vaibhav Suryavanshi ko chance milta to aap unse kya ummeed rakhte Apni rai comment mein zaroor batana cricspothindi.in Par

                    ...Author: Shanu Tiwari...