India vs West Indies 1st ODI Rohit Sharma ki wapsi ke beech Shubman Gill par pressure Ruturaj Gaikwad ke paas number 4 par jalwa dikhane ka bada mauka

India aur West Indies ke beech 3 match ki ODI series ka pehla muqabla Aaj dopahar 2 baje Thiruvananthapuram ke Greenfield Stadium mein shuru hone ja raha hai Is baar nazarein sirf is baat par nahi tiki hongi ki kaun jeetega aur kaun harega balki kahani thodi alag aur interesting hai Team India ke kuch bade khiladiyon ke liye yeh series khud ko sabit karne aur apni utility dikhane ka ek ahem manch ban gayi hai

India ke liye West Indies tour of India yes series 3 match ki ODI Kafi Aham hone wala hai India ke liye World Cup 2027 Se Pahle

Shubman Gill aur Rohit Sharma ki bhumika

Sabse pehla naam captain Shubman Gill ka aata hai. England ke khilaf pichhli 3 match ki ODI series mein India ko 2-1 se haar ka samna karna pada tha, aur Gill se jaisi pariyon ki ummeed thi, waisa impact maidan par nahi dikh paya tha. Ab West Indies ke khilaf Gill ke paas turant wapsi karne aur aalo cha ko jawab dene ka pura mauka hai Captain hone ke nate un par additional responsibility hai aur batting se bhi unse badi innings ki aas rahega

Lekin Gill par pressure ke beech sabse bada excitement jis naam ko lekar hai woh hain Rohit Sharma

Pichhle kuch waqt se Rohit ke future aur retirement ko lekar tamam tar ki baatein chal rahi thin. Aisa lag raha tha ki ODI cricket mein ab young players ko zyada tarjeeh milega Halanki England ke khilaf Lord's mein Rohit ne shaandar century jad kar ek baar phir yeh sabit kar diya ki unke bat mein abhi kaafi cricket baaki hai West Indies series ke liye woh team ka hissa hain aur captain Shubman Gill ke sath wahi innings ki shuruat (opening) karenge

Virat aur Jadeja par bhi rahegi nazar

Virat Kohli par filhaal kisi tarah ka pressure nahi hai, lekin unki presence Indian batting order ko gazab ka confidence deti hai. England ke khilaf bhi unka contribution ahem raha tha aur West Indies ke khilaf bhi unse middle order ko sambhalne ki puri ummeed hai

Dusri taraf Ravindra Jadeja ke liye bhi yeh series behad important hai Jadeja ka experience Team India ke liye ek bada weapon hai, lekin team mein ab competition kaafi tough ho chuka hai Axar Patel jaise options ke hone ki wajah se Jadeja ko apni all-round capability lagatar prove karni hogi Bat aur ball dono se contribution dekar hi woh apni position strong rakh sakte hain

Ruturaj Gaikwad ka number 4 par anubhav

Is series ki sabse khaas kahaniyon mein se ek Ruturaj Gaikwad ki wapsi hai. Kaafi waqt ke baad unhe ODI setup mein apni jagah pakki karne ka mauka mila hai Halanki Ruturaj ke liye yeh chautha number koi naya nahi hai IPL mein woh chahe opening karte hon lekin jab jab unhe Team India ke liye ODI mein mauka mila hai unhone number 4 par hi batting ki hai aur South Africa ke khilaf pichhli ODI series mein unka shandar century bhi aaya tha jahan Virat Kohli ke sath unki partnership behad yaadgar rahi thi 

Aise mein unke paas yeh pura mauka hoga ki woh apne is familiar position par fir se behtareen khel dikhayein aur selectors ke samne apna dawa aur strong karein Saal 2027 ke World Cup ko dhyan mein rakhte hue har ek series ka importance badh gaya hai

Kuchh aur naye naam hai jo team India ke squad Mein Aaye hue hain jaise Yashasvi Jayaswal Naman Dheer aur Auqib Nabi team ka pura Bharosa Nitish Kumar Reddy par dikhana ya sabit Karta Hai Ki India Ab badlav Ke Daur se Gujar rahi hai 2027 World Cup Se Pahle India ki team bahut strong Ban Jayega bus gujarish yahi hai BCCI support staff se ki Yuva player ko continue mauka bhi diya Jaaye tabhi yah Apna hundred percent De Payenge India ke liye BCCI yahi gujarish hai Ki Jaise Nitish Kumar Reddy ko continue mauka de Rahe hai vaise Rituraj ko bhi mauka Dena chahie tabhi vah Apna hundred percent Denge jo ki vah dete bhi hain

Pitch Report aur Toss ki sthiti

Thiruvananthapuram ke Greenfield Stadium ki pitch aamtaur par bowlers aur batters dono ke liye balanced mani jati hai Nayi ball se fast bowlers ko shuruati kuch overs mein swing aur bounce mil sakta hai, jisse top order ke batters ko sambhalkar khelna hoga Jaise-jaise khel aage badhega pitch batters ke anukul hoti jayegi, halanki beech ke overs mein spinners ko bhi turn milne ki ummeed hai. Dew factor ki bhumika ko dekhte hue toss jeetne wali team pehle bowling karna pasand kar sakti hai

West Indies ki Playing 11

Match mein utarne se pehle agar West Indies ki team par nazar dalein, toh unki sambhavit playing XI kuch is prakar ho sakti hai

1. Justin Greaves 2. Roston Chase 3. John Campbell 4. Shai Hope (C) 5. Keacy Carty 6. Sherfane Rutherford 7. Keemo Paul 8. Gudakesh Motie 9. Alzarri Joseph 10. Jayden Seales 11. Shamar Joseph

Team India ki Playing 11

Wahin dusri taraf, West Indies ki chunauti ka samna karne ke liye India ki sambhavit playing 11 yeh rahega

1. Rohit Sharma 2. Shubman Gill (C) 3. Virat Kohli 4. Ruturaj Gaikwad 5. KL Rahul (WF) 6. Ravindra Jadeja 7. Nitish Kumar Reddy 8. Kuldeep Yadav 9. Prasidh Krishna 10. Mohammed Siraj 11. Gur noor Brar

Kahan Dekhen India vs West Indies match live

Yeh match kal dopahar 2:00 baje se shuru hoga India mein TV par iska seedha prasaran Star Sports Network par dekha ja sakta hai jabki digital streaming Jio hotstar par available rahega

Match shuru hone se pehle asli sawal yeh nahi hai ki India kitne bade antar se jeetega balki yeh dekhna dilchasp hoga ki Rohit apni lay kayam rakh pate hain ya nahi Gill captaincy ke pressure se kaise paar pate hain aur number 4 par Ruturaj ek baar fir apna jalwa bikher pate hain ya nahi

Cricket Lovers ke liye Message

Aap logon ko kya lagta hai India aur West Indies ke is first ODI mein kaun Baji marega India ya West Indies Kya Ruturaj Gaikwad apna number 4 ka role shandar tarike se nibha payenge Aur kya Shubman Gill is baar bada score banakar sabka muh band kar denge

Apni rai comment box mein zaroor share karein or apne saare cricket lover doston ke sath share karna bilkul bhi na bhulein Aur cricket ki har live update or romanchak kison ke liye humare sath bane Rahe cricspothindi.in par

                    ...Author: Shanu Tiwari...