India vs New Zealand 3rd T20 198 run banakar bhi haar gaye Kiwis Abhishek Sharma ke toofan mein udi New Zealand Team India ne 3-0 se series par kiya kabja

India aur New Zealand ke beech Wellington ground par khele gaye is rohandchhak tisre T20 mukable mein wo haadsa ho gaya hai jise dekh kar samne wali team aur puri cricket duniya ke hosh udd gaye hain Is match se pehle sabhi ko ummid thi ki dono teams ke beech ek kaante ki takkar dekhne ko milega kyunki dono hi taraf ek se badhkar ek match winner khiladi maujood the Lekin jis tarah se Team India ne is mukable mein apna parcham lahraya hai usne sabhi purane saare records ko pichhe chhod diya hai aur ek naya itihaas rach diya hai

Match ki shuruat mein jab toss ka sikka uchhla toh Team India ke captain ne pehle bowling karne ka faisla kiya Wellington ki is pitch par pehle batting karna aur bada score khada karna har team ki pehli pasand hoti hai isliye New Zealand ke openers ne maidan par utarte hi apne iraade saaf kar diye the New Zealand ki team ne shuruat se hi Tej raftar se run banana shuru kiya aur 20 over ke samapti par 3 wicket ke nuksan par 198 run ka ek pahad jaisa score board par laga diya

New Zealand ki taraf se batting karte huye Daryl Mitchell ne sabse behtareen aur shandar pariyan kheli, jinhone 52 ballon par nabad 89 run banaye aur unka sath dete hue Bevon Jacobs ne bhi 23 ballon par nabad 39 runon ka yogdan diya Iske alawa Finn Allen ne bhi 25 ballon par 40 runon ki tez tarrar shuruat di thi Bharat ki taraf se bowling karte huye Bhuvneshwar Kumar ne 4 over mein 40 run diye, Arshdeep Singh ne 4 over mein 33 run dekar 1 wicket hasil kiya jabki Prince Yadav aur Axar Patel ne bhi apni taraf se poori koshish ki New Zealand ka 198 run ka yeh vishal score dekh kar ek pal ke liye aisa laga ki shayad ab Bharat ke liye is target ko hasil karna aasan nahi hoga aur match fass sakta hai

Abhishek Sharma Aur Vaibhav Suryavanshi Ka Khatarnak Tandav

Lekin jab Team India is bade target ka peecha karne ke liye maidan par utari toh unhone shuruat se hi aisi aag lagai ki New Zealand ka poora bowling attack pani mangne laga. Young sensation Vaibhav Suryavanshi ne crease par aate hi matra 19 ballon par 4 fours aur 4 sixes ki madad se 45 runon ki ek explosive pariyan kheli aur unka strike rate 236 se upar ka tha Vaibhav ke out hone ke baad crease par jo toofan aaya uska naam Abhishek Sharma tha

Abhishek Sharma ne New Zealand ke har ek bowler ki dhajjiyan udate hue sirf 38 ballon par aihitashik 113 runon ki shatakiy pariyan kheli Unki is pariyon mein 9 shandar chauke aur 11 gaganbhedi chakke shamil the aur unka strike rate lagbhag 297 ke aas-paas raha Abhishek ne maidan ke charon taraf aise lambe-lambe shots lagaye ki New Zealand ke captain Mitchell Santner aur unke saare bowler bas khade huye dekhte reh gaye

Sirf 13.2 Over Mein Khatam Ho Gaya Mukabla

Sirf Abhishek aur Vaibhav hi nahi balki baki aane wale khiladiyon ne bhi bina kisi dabav ke tezi se run banaye Team India ne is 199 run ke vishal target ko kisi bade team ke khilaf khelne jaisa mehsoos hi nahi hone diya aur ise kewal 13.2 over mein hi 4 wicket kho kar aasani se chase kar liya Bharat ne is mukable ko 6 wicket se apne naam kar liya aur 5 match ki is T20 series mein 3-0 ki aisi ajey badhat banakar series par shandaar tarike se kabja kar liya hai Is jeet ke sath hi yeh saaf ho gaya hai ki T20 format mein Team India ka koi tod nahi hai

Player Of The Match Abhishek Sharma 

Aaj ke is romanchak mukable ke sabse bade aur akela hero Abhishek Sharma rahe hain jinhone apni is tufani century ke dam par poori match ki kismat aur rukh hi badal kar rakh diya Jab tak wo crease par maujood the stadium mein sirf unke naam ka shor tha aur samne wali team ke bowler unki har ball par khauf kha rahe the Bina kisi shak ke aaj ke Man of the Match ka khitab sirf aur sirf Abhishek Sharma ke naam jata hai jinki ye aihitashik pariyan cricket history mein hamesha yaad rakhi jayega

Aapki Rai Agla Sawaal

Ab jab Team India ne aisi dharakedar jeet hasil karke series apne naam kar hi li hai toh hum sabhi fans ka bhi josh saatwe aasman par pahunch gaya hai Aisi jeet team ka manobal aur bhi uncha kar deti hai aur fans ke liye ye kisi bade tyohar se kam nahi hota hai

Kya aapko bhi lagta hai ki Abhishek Sharma ka yeh century T20 history ke sabhi purane records tod dega aur kya Team India aane wale baki matchon mein bhi aisa hi clean sweep karega Apne vichar hume comment karke zaroor batayein

                                         ...Author: Shanu Tiwari...