India vs West Indies 4th T20 Hyderabad Me Run Chase Story kya tha pure match Ka Hal Aaiae Jante Hain

India aur West Indies ke beech Rajiv Gandhi International Stadium Hyderabad me khele gaye is romanchak mukabale me pehle ballebaji karte hue West Indies ki team ne nirdharit 20 overo me 3 wicket ke nuksan par 247 rano ka vishal pahad jaisa score khada kar diya tha jiske jawab me Team India ne aakhri dum tak poori taakat lagayi lekin 19.3 overo me 223 rano par poori team all out ho gayi aur sirf 24 rano se yeh mukabala haar gayi halanki is haar ke baad bhi yeh match hamesha ke liye ek aitihasik run chase ki koshish ke roop me yaad rakha jayega kyunki jis tarah se bharatiya ballebazo ne 248 rano ke target ka peecha kiya usne sabke hosh uda diye the

Shai Hope Ka Shatak Aur West Indies Ki Tabahi

Pehle ballebaji utri West Indies ki shuruat behad visfotak rahi jahan captain Shai Hope ne bhartiya gendbaazo ki dhajjiyan udate hue matra 50 gendo par nabad 102 rano ki tabadtod shatakiy pari kheli jisme 4 chauke aur 9 gagan chumbi chhakke shamil rahe aur unka strike rate 204.0 ka raha unke alawa J Andrew ne 21 ran banaye aur Shimron Hetmyer ne matra 12 gendo par 4 chauko aur 2 chhakko ki madad se 33 rano ki tufani pari kheli jabki Sherfane Rutherford ne bhi 26 gendo par nabad 49 rano ki visfotak pari khel kar score ko 247 tak pahuncha diya Bharat ki taraf se bowling me Arshdeep Singh Prince Yadav aur Axar Patel ne 1-1 wicket liya jabki Mayank Yadav kaafi mahenge sabit hue

Team India Ka Jordaar Chase Aur Sanju Samson Ki Toofani Shuruat

248 rano ke is maha lakshya ka peecha karne utri Team India ke opners ne shuruat se hi apna irada saaf kar diya tha Sanju Samson ne wicketkeeper ke roop me shandaar ballebaji karte hue 23 gendo par 6 chauko aur 4 chhakko ki madad se 56 rano ki tezi se pari kheli unke sath opening me utre Abhishek Sharma ne 29 ran banaye aur Tilak Varma ne 25 gendo par 43 rano ka shandaar yogdaan diya middle order me Nitesh Kumar Reddy ne bhi maidan par aate hi aisi aag lagayi ki unhone matra 20 gendo par 1 chauka aur 4 gagan chumbi chhakke lagate hue 41 rano ki andhadhund pari khel kar match ko poori tarah se romanchak bana diya

Keemo Paul Ki Deadly Bowling Aur Captain Shreyas Iyer Ki Asafalta

Ek taraf jahan bharatiya ballebaj is pahad jaise target ko hasil karne ke liye lagataar bade shots khel rahe the wahin dusri taraf West Indies ke gendbaaz Keemo Paul ne poori baazi palat di Keemo Paul ne bhartiya ballebaji kram todte hue 4 overo me 41 ran dekar ahem 5 wickets jhatke aur poora match ka rukh hi mod diya Gudakesh Motie ne bhi 2 wickets apne naam kiye wahi captain Shreyas Iyer is dabav bhare mukabale me sirf 16 ran banakar out ho gaye aur middle order me lagataar girte wickets ki wajah se team par dabav badhta chala gaya

Series 2-2 Ki Barabari Par Aur Ab paanchvein Mukabale Ka Romanch

Team India is aitihasik run chase ko karne ke behad kareeb pahunch gayi thi aur ek samay lag raha tha ki yeh namumkin sa lakshya bhi hasil ho jayega lekin aakhri overo me lagataar wickets girne ke karan poori team 19.3 overo me 223 rano par simat gayi is jeet ke sath hi West Indies ne paanch matcho ki is series ko 2-2 ki barabari par la kar khada kar diya hai aur ab yeh poori series apne sabse nishkarsh aur romanchak padaav par pahunch chuki hai jahan aakhri match hi tay karega ki trophy kiske haath lagega

Shai Hope Bane Player Of The Match

​is match me shandaar aur nabad shatak lagane ke liye West Indies ke captain Shai Hope ko Player Of The Match chuna gaya yeh is T20 series me unka doosra shatak hai aur is poori series me abhi tak sabse zyada ran banane ke sath-sath sabse zyada chhakke lagane wale khiladi bhi wahi hain

Aapki Kya Rai Hai Is Match Par

​is poore chauthe T20 match me aapko kiski inings sabse zyada pasand aayi Shai Hope Sanju Samson ya phir Keemo Paul ka paanch wicket hall apni rai comment me zaroor share karein aur is chauthe match ki detail apne cricket lover dosto ke sath share karna bilkul bhi na bhulein cricket ki har update ke liye hamare sath bane rahein cricspothindi.in par

                                         ...Author: Shanu Tiwari...