WI vs BAN 1st Test 2026 Mirpur Sher-e-Bangla ki ghumti pitch par kiska chalega sikka aaiye jane sabhi khaas baatein

khel ki duniya mein jab do alag alag mijaaz ki teamen aamne samne hoti hain toh mukable ka maza hi alag ho jata hai kuch aisi hi kahani shuru hone ja rahi hai bangladesh aur west indies ke beech khele jane wale is behad romanchak pehle test match mein jahan dono teamen aapas mein bhidne ke liye poori tarah se taiyar baithi hain yeh maha mukabla 28 october 2026 se 1 november 2026 tak dhaka ke aithihasik shere bangla national stadium mein khela jane wala hai jiske liye cricket ke sabhi diwano ki nigahein is bade maha sangram par tiki hui hain aur sabhi yeh dekhna chahte hain ki is spin ke garh mein kaun kiska patta saaf karta hai

is lambe aur kade mukable ke liye dono hi teamen apni apni ranniti ke sath maidan par utar rahi hain jahan ek taraf bangladesh apni gharelu paristhitiyon ka poora fayda uthane ki koshish karege wahi dusri taraf west indies ki team bhi pichle kuch samay se behtaran khel dikhate huye is daure par ek badi jeet daraj karne ke irade se aayi hai dono hi teamon ke khiladiyon ne is test ke liye apni poori taqat jhonk di hai aur har koi yahi chahta hai ki pehla test jeet kar is mahatvapurn series mein ek shandar badhat banai jaye

Aaiye jaan lete hain paanchon din ka pitch report 

yeh mukabla bangladesh ke sabse mashhoor aur ghumakad pitch wale maidan yani shere bangla national stadium mirpur dhaka mein ho raha hai jahan ki pitch ka mijaaj din par din poori tarah se badal jata hai aur iska poora paanch din ka haal kuch is tarah se rehne wala hai match ke shuruwati din yani din 1 aur din 2 par pitch par halki si nami rahti hai jisse tez gendbazon ko hawa mein swing aur achhi movement milti hai lekin jaise hi din 3 ka khel shuru hota hai pitch dhire dhire sukhne lagti hai aur spinners ke liye madad shuru ho jati hai

aakhiri ke din yani din char aur din 5 aate aate pitch par bade bade dararein khul jati hain aur wahan se aisi gajab ki turn aur low bounce dekhne ko milti hai ki kisi bhi ballebaz ke liye fourth innings mein run banana pahad chadhne jaisa ho jata hai isliye shuruwati dinon mein bada score khada karna hi kisi bhi team ke liye sabse bada safalta ka mantra hota hai aur jo team is pitch ke badalte mizaj ko samajh leti hai match usi ke pakad mein aane lagta hai

Toss ka sabse bada role aur captain ka faisla kya hoga

is maidan par toss jeetna kisi bhi captain ke liye aadha match jeetne jaisa hota hai aur yahan toss jeetkar pehle batting karne ka faisla lagbhag nabbe pratishat sahi sabit hota hai kyunki pehle do din ballebaz aaram se apne run bana sakte hain aur bada score board par khada kar sakte hain agar koi team pehle din toss jeet kar batting chun leti hai toh use sirf shuru ke ek ya do ghante hi tez gendbazon ke samne thoda sambhal kar khelna padta hai

aur ek baar wo shuruwati khtra tal gaya toh fir pitch bilkul aasan ho jati hai lekin agar koi baad mein chase karne utrega toh aakhiri dinon mein spin ke jaal mein fasna tay hai isiliye dono hi captain yahi chahenge ki toss jite aur bina kisi risk ke pehle balling ki jagah bat karke ek bada pahad jaisa score board par laga diya jaye taaki aakhiri dino mein samne wali team par poora dabav banaya ja sake

Pehle test mein kin khiladiyon par rahega sabse badi jimmedari

is mukable mein dono teams ki taraf se kuch aise khiladi hain jo akele dam par match ka rukh palat sakte hain agar bangladesh ki baat ki jaye toh unke paas mehidy hasan miraz aur taijul islam jaise khatarnak spinners hain jo mirpur ki is ghumti hui pitch par kisi bhi batting lineup ki dhajjiyan uda sakte hain wahi anubhav ke mamle mein mushfiqur rahim sabse aage hain jo mushkil paristhiti mein innings ko sambhalna acchi tarah jante hain aur taskin ahmad apni taqatwar bowling se shuruat mein jhatka dene ke liye taiyar rahenge

dusri taraf agar west indies ki baat ki jaye toh unke captain roston chase ki zimmedari sabse badi hogi unhein na sirf middle order mein khud ko bachana hai balki apni off spin bowling se samne wali team ke batters ko rokna bhi hai iske alawa kraig brathwaite jo ki lambi innings khelne ke liye jane jate hain unka wicket nikalna bangladesh ke liye sabse bada kaam hoga aur kemar roach ya shamar joseph ki tezi purani ball se reverse swing karwayegi toh bangladesh ke tail enders ke liye mushkil khadi ho sakti hai

Aaiye jaan lete hain kaisa rahega paanchon din ka weather report

Is mahatvapurn test match ke dauran mausam ke poori tarah se saaf aur shandar rehne ki ummid hai aur barish ka dur dur tak koi khatra nahi hai khili hui dhoop aur shandar mahaul ke beech darshakon ko poora paanch din ka romanchak khel dekhne ko milega jisse kisi bhi session mein rukaawat aane ki koi shanka nahi hai

dono teamon ke khiladiyon ko is saaf mausam ka poora fayda milega aur paanchon din bina kisi badha ke khel aage badhega jisse khiladi bhi apni poori fitness aur urja ke sath maidan par apna sarvshreshth pradarshan dikhane ke liye poori tarah se taiyar rahenge

kahan aur kaise dekhe live March tv aur mobile par aap log Bhi Jaan Lo

Agar aap is mukable ko apne ghar par mobile ya TV par live dekhna chahte hain toh bharat mein aap iska maza fan_code app aur website par aasani se le sakte hain wahi bangladesh mein nagorik tv aur t sports par iska sidha prasaran dekhne ko milega

is shandar live broadcast ki vajah se duniya bhar ke cricket premi apne ghar baithe hi is romanchak mukable ka anand le sakenge aur pal pal ki update se jude rahenge chahe aap tv par match dekh rahe hon ya mobile par streaming ka maza le rahe hon aapko har ek pal ki jankari aasani se mil jayega

Ab dekhte hain donon team ka playing 11 Kaun kaun utrega pahle match mein

Agar donon team ka Baat karen to Anubhav experience Ki Koi Kami Nahin aur youngster ka bhi taalmel achcha hai Pra baat is per Aati Hai ke donon team ki taraf se Kaun kaun utarenge pahle match mein Aaiae Jante Hain

Bangladesh playing 11

1 shadman islam 2 tanzid hasan 3 najmul hossain shanto captain 4 Tawhid Hridoy 5 Mominul Haque 6 litton das wicket keeper 7 mehidy hasan miraz 8 taijul islam 9 taskin ahmad 10 hasan mahmud 11 Shoriful Islam

West indies playing 11

1. John Campbell 2. teganaran chanderpaul 3. brandon king 4. kavem hodge 5. roston chase captain 6. Amir Jangoo(Wk) 7. justin greaves 8. Joshua Bishop 9. Shamar Joseph 10. jayden seales 11. jomel warrican

Hamara khas Analysis aur kaun jeetega yeh mukabla

Agar hamare analysis aur team ke sanrakshan ko dekha jaye toh halanki bangladesh ko unki hi dharti par hamesha se ek khatarnak team mana jata hai aur wo apni home conditions ka poora fayda uthana chahenge lekin agar gahrai se dekha jaye toh is mukable mein west indies ki team thodi jyada majboot aur santulit nazar aa rahi hai unke khiladiyon ke paas sub continent ki chunautiyon se nipatne ki poori kshamata hai aur win percentage ke hisab se bhi west indies ka palda is match mein thoda sa bhari dikh raha hai 

iska matlab yeh nahi hai ki bangladesh kamzor hai par agar west indies ne apni sahi ranneeti ke sath shuruwat ki toh wo is test ko apne naam karne mein sabse aage rah sakte hain aur yah mukabla aakhiri dinon tak bade romanch ke sath aage badhega jahan dono hi mahan teamen apni jeet ke liye poori jaan laga denga aur cricket premiyon ko ek shandar test match dekhne ko milega aur Shayad mujhe lagta hai Westindies yah pahle test match ko Jeet sakti hai main yah Nahin Kah Raha Hun Ki Bangladesh kamjor hai per meri taraf se first West indies hoga jo pahle mukabale ko ji sakta hai 

Ab aap log bataiye Kaun jitega yaar pahla test match West Indies ya Bangladesh apni Rai comment Mein Jarur batana aur apne cricket lover doston ke sath yah detail share karna bilkul Bhi Mat bolna unko bhi Pata Chalna chahie India Newzealand Australia South Africa Jaise Badi teamon ka match chal raha hai vaise hi West indies aur Bangladesh ke bich Mein Bhi Ek romanchak match hone wala hai aur cricket Ki Har live update ke liye Hamare Sath Bane Rahe Cricspothindi.in per

                                        ...Author: Shanu Tiwari...