Dressing Room Ke Andar Ka Woh Ansona Kissa Aur Khufiya Mansik Jung Jo Scoreboard Par Kabhi Nazar Nahi Aati


Cricket ke maidan par jab lakhon log stadium me baithakar ya apne gharo me tv ki screen par takatki lagaye dekhte hain toh unhe sirf wahi hara-bhara maidan bat aur ball ke beech chalne wali 22 yard ki pattiya aur scoreboard par badalte hue number nazar aate hain

Lekin asli aur sabse khaufnak kahani toh us maidan se koson dur stadium ke andar bane un band darwazo ke piche chalti hai jinhe hum dressing room kehte hain

Yahi wo jagah hoti hai jaha asli insaan tutta hai banta hai aur apne andar ki un ansoni aawazo se ladta hai jiske bare me aam darshakon ko kabhi zindagi me bhanak tak nahi lagti

Jab bhi koi series apne antim padaav par hoti hai aur koi ek team pehle hi shuruwati matcho me lagatar jeet darj karke series par apna kabza jama chuki hoti hai

Toh duniya ko yahi lagta hai ki us jeetne wali team ke kheme me jashn ka mahol hoga sab has rahe honge aur chehre par chamak hogi

Par asli aur kadwa sach iske theek viprit hota hai

Jis team ne series jeet likhi hoti hai wahi duniya ki sabse badi mansik dabav ya kahe ki psychological warfare ke daldal me fasi hoti hai

Kyunki unke kandho par us jeet ko banaye rakhne ka aisa bojh hota hai jo kisi bhi majboot khiladi ke seene par patthar ki tarah rakh diya jata hai

Khiladiyon ke dimaag me ek ajeeb sa khauf ghar kar jata hai ki agar hum yeh aakhiri match haar gaye toh kya log hamari pichli saari jeeto ko bhool jayenge kya hamari mahanata par koi daag lag jayega

Aur yahi wo barik sa manovigyanik antar hota hai jo ek khiladi ke sharir ko andar hi andar khokhla karna shuru kar deta hai

Dusri taraf us team ki halat bilkul alag hoti hai jo series haar chuki hoti hai

Uske paas khone ke liye is duniya me ab kuch bhi nahi bacha hota

Unke seene me haar ki wo jalti hui aag aur beizzati ka wo kadwa ghut hota hai jo kisi bhi mare hue insaan me bhi fauladi taakat bhar deta hai

We maidan par utarte hain toh unke paas sirf ek hi maksad hota hai ki samne wale ke vijay rath ko beech raste me rokkar uski har khushi ko mitti me mila dena

Yahi wajah hai ki jab series jeetne wali team ke andar wo halka sa mansik dheelaipan ya kahe ki over confidence ki deemak lagti hai

Toh samne wali bhuki sher ki tarah baithi hui haari hui team poori taakat se aisa palatwar karti hai ki bade se bade diggajo ke hosh ud jaate hain

Dressing room ke andar ki us tasveer ko zara mehsoos karke dekho jaha match shuru hone se theek pehle sannata pasra hota hai

Coach khamoshi se apni diary ke panne palat raha hota hai kaptaan ki aankhe khali deewar ko ghur rahi hoti hain aur har ek khiladi apne kit bag ke paas chupchap baithakar apne un andruni dar se lad raha hota hai

Jo kabhi camera ki nazar me nahi aate

Koi nahi jaanta ki maidan par utarne se pehle kaun sa khiladi apne parivar ki ummeedon ke bojh tale daba hua hai aur kaun sa khiladi apne career ke us aakhiri mod par khada hai jiska ek faisla use hamesha ke liye bhula sakta hai

Cricket sirf paseene aur chauke chhakko ka khel nahi hai balki yeh do timon ke beech maidan ke bahar chalne wali us khamosh aur khunkhar mansik jung ka naam hai

Jaha haar aur jeet ka faisla scoreboard par dikhne se kayi ghante pehle un band kamro ki ghutan aur sannate ke beech ho chuka hota hai

Hamara Personal Ray Aur Dressing Room Ki Asli Sachai

​Hamara vyaktigat ray ke anusar cricket ke maidan par sirf bat aur ball ka khel nahi hota balki asli ladai toh un band darwazo ke piche dressing room ke sannate me chal rahi hoti hai jaha har khiladi apne andar ke darr aur manovigyanik dabav se roz ladta hai

Cricket ​Fans Ke Khas Message Aur Sawal

​Cricket fans aapke anusar jab koi team pehle hi series jeet chuki hoti hai tab kya unke andar ka woh chhota sa dheelaipan unhein haar ki taraf dhakel deta hai ya haarne wali team ki aag hi sab kuch badal deti hai apna yeh javab comment karke zaroor batayein aur is unkahi kahani par apni ray dein 

   

                                        ...Author: Shanu Tiwari... 

Comments

Popular posts from this blog

Ind vs NZ 2nd ODI Wellington Ke Samundari Jhonko Aur Hawaon Ke Beech Team India Ki Agnipariksha Aur 2nd ODI Se Pehle Ki Asli Mansik Jung

India vs West Indies 3rd T20 Indore Pitch Report Aur Playing 11 aaiae Jaan Lete Hain Kaun Jeet sakta hai 3rd T20 match

IPL इतिहास का सबसे बड़ा भूचाल: रो पड़े थाला धोनी! 18 साल की 'अमर जोड़ी' का हुआ दर्दनाक अंत, CSK फैंस के लिए आज का दिन बना 'ब्लैक डे'! 🚨😭